• 森美．薯

    鄉下：法蘭克福，德國

    森美．薯 係國家舉重隊60克級嘅隊員。佢正在為東京2020奧運做準備同訓練。

  • 帕特．薯

    鄉下：美國芝加哥消防局

    帕特．薯 係美國芝加哥消防局嘅消防隊長。佢五歲嘅時候曾被家中發生嘅小火燒傷，然後佢身體就對火產生免疫。從此佢唔怕火燒，喺危險處處嘅火場發揮所長。

  • 啫喱．薯

    鄉下：意大利維蘇威火山

    啫喱．薯 熱愛跑步，係薯仔馬拉松2017嘅冠軍。着上特製辣椒鞋後，佢可以跑出比一般薯仔快兩倍嘅速度。

  • 泰迪．薯

    鄉下：小雞農場

    泰迪．薯 鍾意同佢嘅兒時小熊朋友玩同分享佢嘅蜜糖罌 (但係唔係每次都會事先問淮小熊朋友㗎 :-P)

  • 杜麗沙．薯

    鄉下：莫斯科馬戲團

    杜麗沙．薯 係莫斯科馬戲團嘅新成員。經過120日嘅艱辛訓練，佢成為咗莫斯科馬戲團嘅明日之星，而家做緊世界巡迴表演。

  • 盧卡斯．薯

    鄉下：法國布列塔尼

    磅書！:) 盧卡斯．薯 熱愛水運動，尤其係滑浪。佢嬲豬時要加倍小心，因為佢可能會用佢嘅一對鋒利嘅鉗嚟鉗你！

  • 馬修．薯

    鄉下：墨西哥城，墨西哥

    可拉！:) 馬修．薯 係個莎莎舞舞蹈員。佢以佢撇鬍鬚為傲，每日都用30分鐘整理佢。